لو حولت فلوس بالغلط.. الخطوات القانونية لاسترجاع تحويل خطأ على "إنستاباى"

كتب - أحمد عبد الهادى

يبحث الكثيرون عن الطرق القانونية التى من الممكن أن تساعد فى عودة الأموال المرسلة عن طريق الخطأ عبر تطبيق انستاباي، في التقرير التالي، خطوات بسيطة ومضمونة لاسترجاع أموالك إذا حدث هذا الخطأ.

1. التواصل مع الشخص المستلم

" لو الشخص اللي استقبل الفلوس معروف بالنسبة ليك، اتصل به بهدوء واشرح له الموقف. غالبًا هيكون متفهم ويرجع الفلوس بدون مشاكل. "

2. اتصل ببنكك

" لو معرفتش توصل للشخص، تواصل مع البنك الخاص بك فورًا .. قدم لهم بيانات العملية زي رقم التحويل، التاريخ، والوقت."

"البنوك غالبًا بتتعامل مع المواقف دي بشكل سريع وبتساعدك تسترجع الفلوس لو كانت الإجراءات تسمح."

3. خدمة عملاء إنستاباي

" لو البنك معملش حاجة، الجأ لدعم “إنستاباي”. تواصل معاهم من خلال التطبيق أو عبر البريد الإلكتروني وخد منهم الخطوات اللازمة. خلي معاك كل بيانات العملية وأي مستندات تدعم موقفك."

4. شكوى رسمية للبنك المركزي

"في حال فشلت الخطوات السابقة، قدم شكوى للبنك المركزي المصري. دي خطوة رسمية وهتحتاج تقدم إيصالات التحويل وكل التفاصيل."

5. اللجوء للقضاء

"آخر الحلول هو رفع دعوى قضائية، استعن بمحامٍ متخصص واجمع كل الأدلة، زي إيصال التحويل ومراسلاتك مع البنك وإنستاباي، المحكمة ممكن تصدر حكم يلزم الشخص المستلم بإعادة الأموال."