قال الرئيس عبد الفتاح السيسي: "الدولة دي اللى فيها العدد الكبير من السكان مش عايزة 10 مليون طن قمح هي مش عايزة 13 مليون طن ذرة، هي مش عايزة فول صويا، هي مش عايزة زيت طعام، سواء بيتعمل جوا مصر أو بالخارج، وقلت قبل كده وأكرره ليه الناس محستش بالكلام ده في الأربعينات والخمسينات، لأن حجم الطلب على الدولار أو العملة الصعبة مكنش كبير والريف المصري كان قادر على تلبية مطالب الشعب المصري كله سواء في الريف أو الحضر".
وتابع خلال تصريحات له على هامش احتفالات عيد الشرطة: "كل لما عددنا بيزيد وإنتاجنا في الريف بيقل بيكون فيه طلب على تلبية الفارق من الخارج، كان القمح ممكن يكفينا مبقاش يكفينا، الذرة كانت ممكن تكفينا مبقتش تكفينا، كانت فيه منتجات تكفينا زي اللحوم والدواجن والبيض دلوقتي مبقتش تكفينا، بنتكلم على طلبات 120 مليون نسمة كل يوم عايزين إيه، هدفنا زيادة قدرتنا وخيرنا".
وأكمل: "المعركة مش ضد الدولار ولكن ضد نقص الدولار، وهي دي الحكاية ببساطة في مصر، وكل اللي بيتكلم في الاقتصاد يقول عندي الروشتة الطبية وعندي حلول وأفكار أنا معاك وأي حل ومقترح إحنا بنشوفه لإن إحنا أصحاب مصلحة لحل أي مسألة، ومجرد إن ربنا يوفقنا في حلها هنبقى في حتة تانية، ونحاول تقليل فاتورة الاستيراد ولو فيه فرصة أنتج وأصدر أصدر، محتاج أنهى الطلب بتاع الدولار من برة وده هدف استراتيجي للدولة لتصفير الفرق ما بين طلبنا للدولار وإنفاقنا للدولار".
ونقدم لكم من خلال موقع (فيتو)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوداث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
ملحوظة: مضمون هذا الخبر تم كتابته بواسطة بوابة فيتو ولا يعبر عن وجهة نظر مصر اليوم وانما تم نقله بمحتواه كما هو من بوابة فيتو ونحن غير مسئولين عن محتوى الخبر والعهدة علي المصدر السابق ذكرة.
