تعرف على رسالة رشا سامى العدل لوالدها فى ذكرى وفاته الثالثة

اليوم السابع 0 تعليق ارسل طباعة تبليغ حذف

أعلنت رشا سامى العدل، ابنة الفنان الكبير الراحل عن حزنها الشديد الذى لم ينقطع منذ رحيل والدها، حيث تمر اليوم الثلاثاء 10 يوليو ذكرى وفاته الثالثة، وقالت إنها مازالت تعيش فى حيرة شديدة وحالة تخبط.

ووجهت رشا سامى العدل رسالة خاصة لروح والدها قائلة: "3 سنين النهاردة عدوا عليا من غيرك وأنا فى حالة توهان، سنة 96 كتبت لك جواب ووصلته لمكتبك لما كنت مخاصمنى عمرى ما هانساه... وصفت حالتى من غيرك من 22 سنة، وهى هى نفس حالتى من غيرك بقالى 3 سنين.. شبهت نفسى بالوطواط اللى تاه ودخل أوضة مليانة نور واتقفلت عليه ف فضل يتخبط فى الحيطان ويقع ويقوم تانى يتخبط وهكذا تائه موجوع حزين... سيبتنى بدرى وماكنتش شبعت منك سيبتنى من غير ما تقول لى أعمل إيه فى حياتى من بعدك وادينى ماشية بخبط فى جدران الحياة واقع وأقوم اتخبط.. بدعى ليك كتير أوى واللى ربنا بيقدرنى عليه بعمله وبتمنى ربنا يتقبل منى علشانك أنت، ربنا يرحمك ويحسن إليك ..اللى كان بيحبه واللى بيحبونى أتمنى تلاقوا فى وقتكم لحظة تقروا له الفاتحة أرجوكم ربنا يجعله فى ميزان حسناتكم".

ملحوظة: مضمون هذا الخبر تم كتابته بواسطة اليوم السابع ولا يعبر عن وجهة نظر مصر اليوم وانما تم نقله بمحتواه كما هو من اليوم السابع ونحن غير مسئولين عن محتوى الخبر والعهدة علي المصدر السابق ذكرة.

إخترنا لك

أخبار ذات صلة

0 تعليق